JoomlaTemplates.me by Discount Bluehost

Россия үрдүнэн Точка роста - оскуолаларга аhыллыыта буолла

Категория: Новости Опубликовано: 24.09.2019 Автор: Super User

Үөрэхтээһиҥҥэ бүтүн дойду үрдүнэн "Точка роста" национальнай бырайыак олоххо 2024 сылга диэри киирэр. Быйыл республикабытыгар 54 оскуола бу бырайыакка киирбит. Ол иһигэр икки оскуола Таатта улууһуттан киирдэ.  

Э.К. Пекарскай аатынан Игидэй орто оскуолатыгар "Точка роста" аһыллыытын үөрүүлээх чааһа буолан  ааста. Дойдубут Россия,  Саха сирин гимнэрэ тыаһыыр. "Точка роста" диэн суруктаах футболкалаах оҕолор, оскуолабыт үөрэнээччилэрэ, учууталлара сүргэлэрэ көтөҕүллэн турдулар. Манна  Таатта улууһун үөрэҕин управлениятыттан М.Н. Луковцева, улуус дьаһалтатыттан И.И. Потапов, Игидэй нэһилиэгин муниципальнай тэриллии баһылыга Р.А. Захаров кэлэннэр ыалдьыттаатылар, тыл эттилэр. Үөрүүлээх чааһы оскуолабыт директора И.И. Дягилев тыл этэн аста. 

М.Н.Луковцева этэринэн, Игидэй оскуолата бу бырайыакка бастакынан киирбитэ мээнэҕэ буолбатах диэн тоһоҕолоон эттэ. "Игидэй оскуолата баай историялаах, кэккэ сылларга улахан ситиһиилээх оскуола. Гуманитарнай хайысханан эттэххэ, өр сылларга төрөөбүт тылынан үөрэтиигэ Анна Павловна Варламова ыыппыт бырайыактарыттан саҕалаан, "Куолу" куонкурс да буоллун, республикаҕа инники күөҥҥэ сылдьыбыккыт. Онтон үүнэн-сайдан, тирэх ылаҥҥыт техническэй үөрэхтээһиҥҥэ, робототехникаҕа республикаҕа, норуоттар икки ардыларынааҕы тэрээһиннэргэ, күрэхтэһиилэргэ ситиһиигит барыта бырайыакка киириигитигэр төрүөт буолла. Аныгы ирдэбиллэргэ эппиэттиир баазаланаҥҥыт өссө кэҥээн, сайдан үчүгэй түмүктэри көрдөрүҥ диэн баҕа санаабын этэбин,"- диэн этиитин түмүктээтэ. Онтон нэһилиэкпит баһылыга Р.А.Захаров этэринэн, нэһилиэк, оскуола историятыгар чахчы киирэр ураты түгэн тосхойдо. 21 үйэҕэ аныгы технологиялары баһылаан, сөптөөхтүк туһанан сайдыы тэтиминэн инники диэки баран иһиибитигэр улууспут баһылыгар, правительствоҕа, Ил Дархаҥҥа А.Н. Николаевка махтанабыт. Цифровизация, аныгы технология олоххо киириитигэр бу бырайыак сүрүн тирэх буолар. Үөрэх атын да эйгэлэрэ мантан тардыһан сайдан иһиэхтэрэ диэн эттэ. Игидэй нэһилиэгин депутаттарын аатыттан Иванова С.А, өр сылларга "Аартык" кииҥҥэ үлэлээбит, эбии үөрэхтээһиҥҥэ баай уопуттаах педагог Быгынанов П.Н. тыл эттилэр. Бүтүн Россиятааҕы оҕо хамсааһынын чилиэттэрэ, Нажим Нестерев аатынан "Сайдам" Оҕо тэрилтэтин оҕолоро кытта эҕэрдэлээтилэр. Онтон 8 кылаас үөрэнээччитэ, Нажим Нестерев аатынан "Сайдам" оҕо тэрилтэтин чилиэнэ, улуустааҕы ворлдскиллс кыайыылааҕа, республикатааҕы күрэхтэһии кыттыылааҕа Антон Иванов оскуолабыт директорын, учууталларын кытта лента кырыйыста.

"Точка роста" ытык Игидэй сиригэр, саҥа таас оскуолаҕа үлэтин саҕалаата.

 

Гизелла Попова, педагог-библиотекарь, Игидэй, Таатта.

Ытык-Куол 1 нуомэрдээх орто оскуолата

 

Просмотров: 78
Калькулятор расчета монолитного плитного фундамента тут obystroy.com
Как снять комнату в коммунальной квартире здесь
Дренажная система водоотвода вокруг фундамента - stroidom-shop.ru