JoomlaTemplates.me by Discount Bluehost

САХА ӨРӨСПҮҮБҮЛҮКЭТИН БАСТАКЫ ПРЕЗИДЕНЭ ТААТТАЛАРГА ЭҔЭРДЭ ЭТТЭ

Категория: Новости Опубликовано: 24.09.2019 Автор: Super User

Саха Өрөспүүбүлүкэтин бастакы Президенэ М.Е.Николаев бэҕэһээ, бүгүн Таатта улууһугар ыалдьыттаата.


Таатта кыраныыссатыгар Михаил Ефимович Николаевы Тыараһа нэһилиэгин олохтоохторо алгыс баһын сыалаан көрүстүлэр. Ытыктабыллаах ыалдьыт аһаҕас халлаан анныгар турар Чөркөөхтөөҕү мемориальнай уонна Судаарыстыбаннас түмэлигэр сырытта. Манна олохтоохтору, оскуола үөрэнээччилэрин кытта көрсөн, кэпсэтэн, өйдөбүнньүк хаартыскаларга түстүлэр.

Улуус дьаһалтатын аактабай саалатыгар салайааччылары, уопсастыбаннаһы, нэһилиэнньэни кытары көрүстэ. Өссө 1997 сыллаахха Михаил Ефимович Президенинэн үлэлии олорон, «Президент оскуолаларын ситимэ» диэн Ыйаах таһаарбыта. Быйыл бу олимпиада Тааттаҕа ыытылынна. Өрөспүүбүлүкэ гимназияларын, лицейдэрин XXIII-с өй күрэһин аһыллыытыгар кыттыыны ыла кэлбит 9 улуус 12 хамаандатыгар бастакы Президент эҕэрдэ, сүбэ-соргу тылларын эттэ, директордары кытары көрүстэ.

Кулун тутар 14 күнүгэр хартыына галереятыгар народнай худуоһунньуктар Поповтар династияларын быыстапкатын аһыллыытыгар Михаил Николаев кытынна. Биир дойдулаахпыт худуоһунньук Г.Г. Петров айар тыл аҕатын Өксөкүлээх Өлөксөй мэтириэтин холустаҕа түһэрбитэ дойдутугар кэлбитин үөрүүлээхтик аһыы сиэрэ-туома ыытылынна.

СӨ культуратын туйгуна М.Н.Вырдылина сырдык кэриэһигэр VI-с оҕолорго өрөспүүбүлүкэтээҕи «Кустук» драма бэстибээлигэр сылдьан оҕолорго эҕэрдэ тылын эттэ.

Просмотров: 16