JoomlaTemplates.me by Discount Bluehost

Таатта5а WORLDSKILLS чемпионата

Категория: Новости Опубликовано: 24.09.2019 Автор: Super User

Ааспыт нэдиэлэ устата өрөспүүбүлүкэҕэ «Эдэр профессионаллар» (Worldskills) 7-с сүүмэрдиир чемпионата буолан ааста. Онно Таатта улууһун 7 оскуолатыттан 76 оҕо хамаанда састаабыгар киирэн, 30 компетенцияҕа кыттыыны ылла уонна 14 көрүҥҥэ миэстэлэстилэр. Юниордарга А.Е.Мординов аатынан Тааттатааҕы лицей 9-с кылааһын үөрэнээччитэ Алиан Боппосов (тренер П.И.Власова) «Малярнай уонна декоративнай үлэлэр» диэн көрүҥҥэ бастакы миэстэни ылары ситистэ. Игидэй орто оскуолатыттан Артем Бойтунов уонна Анна Захарова тренердэрэ В.В. Лопатин салалтатынан «Интернет вещей» салааҕа кыттан, юниордар ортолоругар чемпион үрдүк аатын сүктүлэр. Онон бу оҕолор өрөспүүбүлүкэ чиэһин көмүскүү Россия күрэхтэһиитигэр барар буоллулар.


Таатта улууһун оҕолоро сэттэ көрүҥҥэ иккис миэстэҕэ тахсары ситистилэр. Олортон билиһиннэрэр буоллахха Ытык Күөл 1-кы №-дээх орто оскуолатыттан Андрей Аржаков, Вадим Дягилев (тренер А.С.Максимов) «Изготовление прототипов», Павел Дягилев (тренер Я.Я.Спиридонов) «Компьютер оонньуулара уонна сыһыарыылара», Тааттатааҕы лицей үөрэнээччилэрэ Эрхан Мосоркин, Леонид Луковцев (тренер Л.Г.Колодезникова) «Туризм», Святослав Платонов (тренер А.В.Слепцова) «Инженернэй дизайн», Ытык Күөл 2-с №-дээх оскуолатыттан Илья Белолюбскай уонна Семен Данилов (тренер А.С.Щуткин) «Кровельные работы по металлу», Туора Күөл орто оскуолатыттан Сардаана Евграфова (тренер Г.К.Васильев) «Видеопроизводство», Игидэй орто оскуолатыттан Саргылаана Ермолаева (тренер С.В.Лопатина) «Фотография» курдук үлэ көрүҥнэригэр иккис миэстэҕэ тахсан, үөрдүлэр-көттүлэр.

Оттон 5 оҕо үһүс миэстэни ылбытыттан түөрдэ Тааттатааҕы лицей үөрэнээччилэрэ буолаллар. Ол курдук Данил Слепцов (тренер А.Н.Акимова) «Медицинскэй уонна социальнай көрүү-истии», Алина Татаринова (тренер А.И.Татаринова) «Лазернай технология», Родион Луковцев (тренер А.В.Слепцова) «Инженернэй дизайн», Санаайа Доргуева (тренер М.Ф.Чашкина) «Графическай дизайн», оттон Туора Күөл орто оскуолатыттан Зинаида Боярова (тренер А.А.Элякова) «Ветеринария» хайысхаларга үһүс миэстэни ыллылар.

Просмотров: 22